rātoñ ke musāfir ho añdheroñ meñ rahoge
jugnū kī tarah din meñ jaloge na bujhoge
sab log ye kahte haiñ ki tum lauT ga.e ho
tum saath the tum saath ho tum saath rahoge
kyā an-kahī ġhazloñ kī kitābeñ haiñ vo āñkheñ
jab paḌh nahīñ sakte ho to kyā ḳhaak likhoge
ḳhushbū kī havelī hai mire dil kī zamīñ par
va.ada karo ik roz mire saath chaloge
dillī ho ki lahore koī farq nahīñ hai
sach bol ke har shahr meñ aise hī rahoge
